Croeso i wefan Gweithgor Iaith Gymraeg y Sector Amgylcheddol
-
Ydych chi'n credu bod iaith a diwylliant yn elfennau creiddiol o'n tirlun ac yn allweddol i'r ffordd y mae pobl yn ymdeimlo â'r amgylchedd o'u cwmpas?
-
bod sgiliau ieithyddol yn allweddol er mwyn gallu cyfathrebu a chydweithio'n llwyddiannus â rheolwyr tir a chymunedau sy'n gyfrifol am ddyfodol bywyd gwyllt, ecoleg a thirwedd Cymru?
- bod angen cydlynu prosiectau amgylcheddol-ieithyddol yn well rhwng gwahanol gyrff er mwyn blaenoriaethu'n fwy effeithiol ac osgoi dyblygu gwaith?
-
bod angen i gyrff cyhoeddus weithredu eu Cynlluniau Iaith mewn modd mwy blaengar a chyffrous os am sicrhau newidiadau pellgyrhaeddol?
Am y rhesymau hyn yr aeth nifer o gyrff a mudiadau amgylcheddol ati yn 2007 i sefydlu Gweithgor Iaith Gymraeg y Sector Amgylcheddol. Ein nod yw cydweithredu'n er mwyn hybu a datblygu defnydd y Gymraeg ym maes yr amgylchedd.
Ymhlith y cyrff amgylcheddol a gynrychiolir ar y Gweithgor y mae Cyngor Cefn Gwlad Cymru, Asiantaeth yr Amgylchedd, Y Comisiwn Coedwigaeth, Yr Ymddiriedolaeth Genedlaethol, Parc Cenedlaethol Eryri, WWF Cymru, RSPB a Chymdeithas Edward Llwyd.
Yn ogystal â chynrychiolwyr o'r sector amgylcheddol, mae'r Gweithgor, yn tynnu ynghyd gynrychiolwyr o'r maes addysg uwch, y maes cyfieithu, y maes cynllunio ieithyddol a'r maes datblygu geirfa a therminoleg.
-
Bydd Duncan Brown a Twm Elias yn rhannu eu gwybodaeth arbenigol am enwau a thermau byd natur a’r amgylchedd mewn gweithdy yn ystod mis Mawrth.
I gael gwybod rhagor am y rhaglen o weithdai, dilynwch y ddolen hon i wefan Cymdeithas Cyfieithwyr Cymru: http://www.cyfieithwyrcymru.org.uk/gweithdai-20.aspx.