amgylchedd.com

Cyfnodolyn academaidd cyfrwng Cymraeg sy’n cyhoeddi ymchwil ysgolheigaidd yn y gwyddorau, y celfyddydau a’r dyniaethau. Trwy wneud hyn mae’r fenter yn gobeithio symbylu a chynnal trafodaeth academaidd ar draws ystod mor eang â phosibl o feysydd, a chreu cronfa o waith ysgolheigaidd at ddefnydd myfyrwyr ymchwil ac academyddion cyfrwng Cymraeg.

Cyfnodolyn cyfrwng Cymraeg sy’n cael ei gyhoeddi gan Gymdeithas Edward Llwyd dwywaith y flwyddyn sy’n cynnwys ysgrifau ar bob math o agweddau ar fyd natur a chefn gwlad yma ac mewn mannau eraill ar draws y byd.

Bwletin Cymraeg ei hiaith sy’n ymddangos yn fisol ac yn cynnwys deunydd ‘llên natur’ am ein hamgylchedd a’n cefn gwlad ac am ein perthynas ni â nhw gan ddarllenwyr, ac ysgrifau yn seiliedig ar y cofnodion yng nghronfeydd y wefan.

Cylchgrawn chwarterol 48 tudalen o hyd yn y Saesneg a’r Gymraeg ynglŷn â byd natur Cymru. Cyhoeddir erthyglau yn eu hiaith wreiddiol gyda chrynodeb yn yr iaith arall – mae cyfieithiadau Saesneg o erthyglau yn y Gymraeg ar gael i ddarllenwyr os maent yn holi. Mae’r cylchgrawn yn cael ei hanelu at amrywiaeth eang o ddarllenwyr ac felly mae awduron yn cael eu hannog i osgoi jargon ac iaith sy’n gyfarwydd i gylch cyfyng o bobl!

Cylchgrawn chwarterol sy’n rhoi sylw i lên gwerin, crefftau, cymeriadau, iaith lafar a hiwmor gwlad. Croesewir sylwadau, cyfansoddiadau, erthyglau, lluniau a phytiau o ddiddordeb. Os am gyfrannu cysylltwch â’r cyhoeddwyr Gwasg Carreg Gwalch.

Cylchgrawn 48 tudalen o hyd a gyhoeddir gan Gymdeithas Hanes Amaethyddiaeth Cymru sy’n ymddangos dwywaith y flwyddyn – Calan Mai a Chalan Gaeaf. Cynhwysir erthyglau, ysgrifau, colofnau, atgofion a llythyrau sy’n gysylltiedig â’r byd amaeth ac arferion cefn gwlad yng Nghymru. Cysylltwch â’r golygydd Twm Elias os am gyfrannu.

• Ein Golygfa – Siarad gyda Chyngor Cefn Gwlad Cymru