Cewch gyfrannu i’r cronfeydd a chodi gwybodaeth ohonynt ac mae gwefan Llên Natur hefyd yn adnodd eiriadurol o enwau a thermau.

Chwilio am gofnodion?

Mae’r Bwletin Llên Natur yn [...]]]>

Mae’r wefan yn cynnwys cronfeydd o wybodaeth ysgrifenedig, llafar a darluniadol am ein hamgylchedd a’n cefn gwlad ac am ein perthynas ni â nhw.

Cewch gyfrannu i’r cronfeydd a chodi gwybodaeth ohonynt ac mae gwefan Llên Natur hefyd yn adnodd eiriadurol o enwau a thermau.

Chwilio am gofnodion?

Mae’r Bwletin Llên Natur yn ymddangos yn fisol ac yn cynnwys deunydd “llên natur” gan ddarllenwyr, ac ysgrifau yn seiliedig ar y cofnodion yng ngronfeydd y wefan. Mae copi papur o’r Bwletin ar gael mewn nifer o siopau i rai nad oes ganddynt y modd i ddebyn y fersiwn ar-lein.

Ôl Rifynnau – Bwletin Llên Natur

Meddai’r Athro R. Merfyn Jones, Cadeirydd Bwrdd Cyfarwyddwyr y Coleg Cymraeg Cenedlaethol:

“Mae’r Coleg bellach yn dathlu ei lwyddiant cyntaf, sef sicrhau fod y swyddi cyfrwng Cymraeg [...]]]> Mae Cynllun Staffio Academaidd y Coleg Cymraeg Cenedlaethol yn gynllun newydd ac yn ystod blwyddyn academaidd 2011/12 bydd y Coleg yn cyllido 27 o swyddi drwy’r cynllun.

Meddai’r Athro R. Merfyn Jones, Cadeirydd Bwrdd Cyfarwyddwyr y Coleg Cymraeg Cenedlaethol:

“Mae’r Coleg bellach yn dathlu ei lwyddiant cyntaf, sef sicrhau fod y swyddi cyfrwng Cymraeg a gyllidwyd o’r gyllideb newydd ar gyfer penodiadau academaidd newydd wedi eu llenwi, a hynny gan unigolion o safon uchel ac ar draws amrediad eang o feysydd a disgyblaethau. Bydd pob un o’r darlithwyr newydd yn cynnig darpariaeth newydd ac ychwanegol o fewn eu hadrannau a bydd hyn yn cynnig mwy o gyfleoedd astudio i fyfyrwyr yn y prifysgolion.”

Mae’r penodiadau hyn yn cynnwys sawl swydd yn y maes amgylcheddol. Mae’r rhain yn cynnwys penodi:

• Dr Paula Roberts yn ddarlithydd Rheolaeth Amgylcheddol yn yr Ysgol Amgylchedd, Adnoddau Naturiol a Daearyddiaeth, Prifysgol Bangor
• Rhys Dafydd Jones yn ddarlithydd Daearyddiaeth Ddynol yn y Sefydliad Daearyddiaeth a Gwyddorau Daear (IGES), Prifysgol Aberystwyth
• Hefin Williams yn ddarlithydd Amaeth-Amgylcheddol Sefydliad y Gwyddorau Biolegol, Amgylcheddol a Gwledig (IBERS), Prifysgol Aberystwyth
• Kate Evans yn ddarlithydd Daearyddiaeth yn Ysgol yr Amgylchedd a Chymdeithas, Prifysgol Abertawe

Ategodd yr Athro R. Merfyn Jones:

“Yr hyn sydd yn bwysig i’w bwysleisio, yw mai cam cyntaf yn unig yw hwn. Mae’r dasg sydd yn wynebu’r Coleg yn un tymor hir ac nid yn y tymor byr y gwelir ffrwyth lawn yr ymdrechion. Mae’r Coleg eisoes wedi gwahodd ceisiadau ar gyfer o leiaf 20 o swyddi pellach i’w llenwi erbyn mis Medi 2012 a bydd y dyfarniadau hynny yn cael eu cyhoeddi yn gynnar yn 2012. Dros y pum mlynedd nesaf bydd dros 100 o swyddi darlithio newydd yn deillio o’r cynllun. Unwaith y bydd y corff llawn o ddarlithwyr newydd yn eu lle, a strategaeth academaidd newydd wedi ei chytuno, mae’r Coleg yn hyderus y bydd yn trawsnewid sefyllfa addysg cyfrwng Cymraeg yn y prifysgolion.”

Am restr lawn o’r penodiadau ac am fwy o wybodaeth ewch i wefan y Coleg Cymraeg Cenedlaethol

Mae’r unig e-gyfnodolyn amlddisgyblaethol Cymraeg, Gwerddon, yn eich gwahodd i yrru erthygl yn Gymraeg i’w harfarnu i’r Cynorthwyydd Golygyddol, Dr. Gwenllian Lansdown Davies. Mae gennym ddiddordeb mewn cyhoeddi erthyglau ysgolheigaidd, dan [...]]]> Ydych chi’n gwneud gwaith ymchwil ym maes yr amgylchedd ac yn gallu’r Gymraeg? Os felly, dyma gyfle gwych i ehangu’ch portffolio ymchwil!

Mae’r unig e-gyfnodolyn amlddisgyblaethol Cymraeg, Gwerddon, yn eich gwahodd i yrru erthygl yn Gymraeg i’w harfarnu i’r Cynorthwyydd Golygyddol, Dr. Gwenllian Lansdown Davies. Mae gennym ddiddordeb mewn cyhoeddi erthyglau ysgolheigaidd, dan 8000 o eiriau, mewn pynciau sy’n ymwneud â’r amgylchedd. Yn unol â’r gofynion arferol o gyhoeddi gwaith ymchwil o safon rhyngwladol, fe arfernir pob erthygl gan ddau ysgolhaig yn y maes dan sylw. Am wybodaeth bellach, ewch i www.gwerddon.org.

Mae’r cwrs meistr cyfrwng Cymraeg unigryw hwn wedi ei anelu at fyfyrwyr sydd â diddordeb gwirioneddol mewn datblygiad cynaliadwy a materion amgylcheddol.

Mae cymorth [...]]]> Cwrs Meistr MA/MSc Rheolaeth Amgylcheddol Gynaliadwy ym Mhrifysgol Bangor

• Diddordeb yn ein dyfodol?
• Wedi graddio’n ddiweddar neu ar fin graddio?
• Angen hwb i’ch gyrfa?
• Am astudio drwy gyfrwng y Gymraeg?

Mae’r cwrs meistr cyfrwng Cymraeg unigryw hwn wedi ei anelu at fyfyrwyr sydd â diddordeb gwirioneddol mewn datblygiad cynaliadwy a materion amgylcheddol.

Mae cymorth ariannol ar gael i astudio’r cwrs hwn gan gynnwys Cynllun Ysgoloriaethau Meistr y Coleg Cymraeg Cenedlaethol gwerth £1500.

Manylion Pellach

Paula Roberts, Darlithydd Cyfrwng Cymraeg
Ffon: +44 (0)1248 382976
E-bost: p.roberts@bangor.ac.uk