Gwaith a Gyrfaoedd

Efallai eich bod yn hoff o awyr iach a’r syniad o gyflawni rhywbeth er lles amgylchedd Cymru ynghyd ag ennill arian ar yr un adeg. Mae cyfleoedd yn codi i wneud gwaith a dilyn gyrfa yn yr amgylchedd o fewn Cymru a thu hwnt yn aml. Afraid dweud bod ennill cymhwyster da o fewn y maes yn gam cyntaf hanfodol i fachu’ch swydd ddelfrydol. O siarad gyda phobl sydd yn gweithio yn, neu er lles y cefn gwlad, mae ennill profiad drwy wirfoddoli yn thema barhaol. Er bod brwdfrydedd heintus yn gallu mynd â chi’n bell, mae dangos tystiolaeth eich bod wedi ‘gwneud’ yn hytrach na dim ond ‘dweud’ yn gallu mynd â chi ymhellach. Mae’r maes amgylcheddol yn gystadleuol iawn gyda llawer o bobl yn ceisio am bob swydd wag. Mae sicrhau bod eich cais chi yw’r gorau’r gellith fod yn bwysig – gall angerdd eich galluogi i gnocio ar y drws ond gall atalnodi da ei hagor i chi!